Artistët peticion Ramës për rikthimin e Kernit: Njeri i pastër, me parime

Edhe pse shumica e artisteve dhe punonjesve te Teatrit Kombetar te Operas, Baletit dhe Ansamblit Popullor ishin nisur tashme per pushime, pas nje sezoni artistik te ngarkuar, ata jane kthyer sot serisht ne ambjentet e TKOBAP per te shprehur mbeshtetjen ndaj drejtorit te ketij institucioni Ilir Kerni, pas lajmit se ai ka paraqitur doreheqjen nga ky pozicion.

Artistet kane firmosur sot nje peticion drejtuar kryeministrit, Edi Rama per te mos pranuar doreheqjen e drejtorit te tyre te cilin  e kane cilesuar si nje njeri te paster, me parime dhe qe ka arritur te mbaje larg prej TKOBAP deri tani pandershmerine, mediokritetin, nepotizmin dhe klientelizmat.

Duke kerkuar rikthimin e tij serisht ne detyre, artistet e kane vleresuar per kontributin e vyer dhe per shembullin e pakrahasueshem motivues.

Jane gati 80% e artisteve qe e kane firmosur kete peticion, duke patur parasysh qe nje pjese e mire e tyre nuk ka mundur vetem per arsye te mos ndodhjes fizike ne Tirane, por ne mungese kane kerkuar te jene pjese e ketij peticioni me ane te telefonatave dhe mesazheve te shumta.