Vrasja e trefishtë para pak ditës në Tiranë ka hapur sërish diskutimet mbi zhvillimet në nëntokën e krimit shqiptar brenda dhe jashtë vendit. I ftuar në emisionin “Opinion”, gazetari investigativ Artan Hoxha tha se tashmë në vend po hyjnë edhe vrasës me pagesë nga vende të ndryshme të botës me qëllim ekzekutimin e elementëve kriminalë me aktivitet në fusha të dyshimta por edhe politikanë.
Sipas tij, tre shtetas turq, vrasës me pagesë kanë hyrë kohët e fundit në territorin e vendit me qëllim vrasjen e një politikani të rendësishëm shqiptar, atentat i cili nuk u krye për arsye të ndryshme raporton portal Albeu.
“Shtetas turq erdhën dhe kryen një vrasje me pagesë në Tiranë. Ndërkohë, tre të tjerë u nisën për të vrarë një politikan të rendësishëm në vend, por vrasja nuk u krye”, – tha ai duke hezituar të shpallë emrin e politikanit për të cilin bëhej fjalë pavarësisht insistimit të moderatorit Blendi Fevziu.
