Pasi u betua te noterja Miranda Xhemalçe, dhe jo në presidenti, Arta Vorpsi ka ndërmarrë sot një tjetër hap me qëllim njohjen e mandatit të saj si anëtare e Gjykatës Kushtetuese.
Sipas ‘BalkanWeb’, Vorpsi i është drejtuar sot me një kërkesë anëtarëve në detyrë për në Gjykatën Kushtetuese.
Po sipas të njëjtave burime, kërkesa i është drejtuar Vitore Tushës, Besnik Mucit, Elsa Toskës si edhe Fiona Papajorgjit, përmes së cilës Vorpsi kërkon prejt tyre të njohin mandatin e saj si anëtare e Gjykatës Kushtetuese, me votë të parlamentit.
Për shkak të konfliktit të interesit, mësohet se Marsida Xhaferllari e emëruar me dekret të Presidentit Ilir Meta dhe e betuar para tij si anëtare e Kushtetueses, nuk mori pjesë në mbledhje.
Lidhur me kërkesën e Vorpsi, anëtarët e Gjykatës Kushtetuese janë ndarë në vota të barabarta 2 me 2, duke mos arritur të mos marrin një vendim për këtë kërkesë.
Situata në Gjykatën Kushtetuese ndodhet në ngërç, për shkak se e votuara e Parlamentit kërkon mandatin e saj, si e propozuar e KED, ndërsa e dekretuara e Metës, Marsida Xhaferllari kërkon gjithashtu të njëjtin vend.
g.kosovari
