Ndryshe nga ish Prokurori i Pergjithshem Adriatik Lllala i cili nuk denjoi te priste ne hyrje te Prokurorise kryeprokuroren e re Arta Marku, kjo e fundit, pas dorezimit te detyres nga Llalla, e ka percjellur ate deri ne dalje te institucionit te akuzes. Ka qene mjaft e shkurter ceremonia e dorezimit te detyres nga ana e Llalles, rreth 25 minuta, ndersa media nuk eshte lejuar te jete e pranishme. I pranishem ne kete ceremoni ka qene edhe sekretari i pergjithshem i Kuvendit Genc Gjonçaj. Pas dorëzimit të detyrës, Llalla është larguar nga ambientet e prokurorisë së Përgjithshme pa bere asnje koment.
Marku mberrin ne Prokurorine e Pergjithshme
Vetem pak minuta me pare ka mberritur ne Prokurorine e Pergjithshme Kryeprokurorja e re Arta Marku, e cila pritet te marre detyren pas zgjedhjes dhe betimit te saj ne Kuvend dje, mes nje seance qe u karakterizua nga dhuna e deputeteve te PD- LSI. Ndryshe nga standardi etik i vendosur nga ish prokurorja Ina Rama qe u largua si prokurore 5 vite me pare, qe doli e priti Llallen tek dera e Prokurorise se Pergjithshme, ky i fundit nuk ka denjuar te levize nga zyra, qofte dhe per faktin etik se Kryeprokurorja e re eshte nje femer.
Dorezimi i detyres
Adriatik Llalla dorëzon sot detyrën si Prokuror i Përgjithshëm, post të cilin ai e mbajti për 5 vjet. Po sot pritet që Prokurorja e Përgjithshme e Përkohshme Arta Marku të marrë detyrën. Ajo u zgjodh dje nga parlamenti me 69 vota mes akteve të dhunshme të deputetëve të PD- LSI, dhunë e cila u dënua ashpër si nga opinioni publik ashtu edhe nga ai ndërkombëtarë. Nëpërmjet dhunës deputetët e PD- LSI bën përpjekje për të bllokuar votimin me qëllim mbajtjen e Llallës në krye të Prokurorisë edhe pse i ka mbaruar mandati Kushtetues. Pas pak Llalla pritët të dorëzojë detyrën permes nje ceremonie larg mediave. Mandati i tij si kryeprokuror ishte shumë larg pritshmërive të qytetarëve për një drejtësi funksionale që ndëshkon korrupsionin. Largimi i tij mendohet të hapë një etapë të re në luftën kundër korrupsionit si dhe ndëshkimit të politikanëve të korruptuar që bën çmos deri në sekonadat e fundit për ta mbajtur atë në zyrë në mënyrë të paligjshme.
ma.ma/javanews.al
