Fjala e plotë në Parlament e deputetit Eljo Hysko/
I nderuar Kryetar I Kuvendit, të nderuar deputetë, të nderuar qytetarë
Më lejoni të theksoj që Rikthimi i ligjit NR.42/2019 “PËR DISA SHTESA DHE NDRYSHIME NË LIGJIN NR.107/2014, “PËR PLANIFIKIMIN DHE ZHVILLIMIN E TERRITORIT”, TË NDRYSHUAR” nga Presidenti i Republikes na jep edhe nje herë mundësinë që si deputetë të Parlamentit të diskutojmë mbi nevojat për përmirësime të këtij ligji. Argumentat e Presidentit sic e përmendi edhe parafolësja, Znj. Gjermeni nuk qëndrojnë për shkak se permirësimet në fjaleë nuk kanë për qëllim ndryshimin e thelbit të nenit 48.
Pavarësisht faktit të mesipërm, si parlamentarë na lind detyrimi për përmirësime te vazhdueshme në ligjet ekzistuese sa herë që te lindë nevoja ndryshime. Në rastin konkret, përmirësimet në fushën e planifikimin dhe zhvillimin te territorit janë të nevojshme edhe në kuadër të vijimësisë se implementimit të reformës administrative territoriale, që kujtojmë është një reformë e thellë e ndërmarrë nga qeveria vetëm 5 vjecarin e fundit.
Për të qenë transparent deri në fund me opinionin publik, më lejoni të identifikoj vetëm disa nga arsyet që na shtynë për te ndërhyrje në ligjin ekzistues:
1. Në rradhë të parë, ky ligj synon mirë rregullimin e kompetencave midis pushtetit qëndror dhe vendor dhe më specifikisht midis autoriteteve përkatëse. Duke mos lënë asnjë shkas për paqartësi midis tyre.
2. Saktësimin e afateve për miratimin e lejeve të ndërtimit në perputhje me rregulloren dhe sistemin e e – lejeve.
3. Saktësimin e terminilogjive për lejet e ndërtimit.
4. Saktësimi dhe mirë rregullimi janë në funksion të sigurisë juridike në raport me atë që kerkojmë, shtetin e së drejtës midis palëve.
5. Përshpejtimin e procedurave të kthimit të tokës nga truall në atë të ndërtimit duke I dhënë fund burokracive të shumta që këto procedura mbartin në ato zona ku është parashikuar planifikimi dhe ka leje zhvillimi të miratuara.
6. kjo ndërhyrje ndihmon në saktësimin tek lejet e ndërtimit në rastin e parcelave ku nuk ka një plan të detajuar vendor dhe të gjithë jemi të vetdijshem që në bashki si ajo që unë perfaqësoj, Kamza, se cfarë është bërë ndër vite në mungesë të këtyre ndërhyrjeve ligjore.
Në kuadër të Planit të Përgjithshëm Vendor dua të ve në dukje nevojën e menjëhershme për hartimin e një plani vendor për Kamzën në menyrë që të nisi procesi i urbanizimit të kësaj bashkie, ku sot për shkak të keqadministrimit nga administrata e mëparshme e bashkisë Kamëz ne nuk kemi një hapësirë të vetme publike dinjitoze, nuk ka një hapsirë që mund të ngjajë me lulishten e jo më një park urban. Kamza mund të ishte trajtuar me më shumë dinjitet, vizion dhe mirësi pasi ka shumë njerëz të mirë e qytetarë të cilët nuk e merituan atë qeverisje vendore.
Kjo bashki me 146.000 banorë dhe moshën mesatare 27 vjec meriton që të ketë investime të shumta të cilat përmisojnë jetën dhe i japin dinjitet qytetarëve të saj. Mbi të gjitha duhet të sigurohemi që në planin e saj vendor, Bashkia Kamëz, të përfshijë qendra rinore, teknologjie, hapësira sportive, kulturore, hapësira për sipërmarrësit e rinj si dhe më shumë parqe e ambjente rekreacionale. Kamza sot është bashki por ende jo një qytet. Me këto investime dhe këtë rini ne mund ta kthejmë në një potencial të jashtëzakonshëm burimesh njerëzore dhe hapësirash biznesi.
Prandaj e përgëzoj këtë iniciativë, janë ligje si këto të cilat do të bëjnë të mundur që kryetarët e bashkive mos të japin një leje të ngjashme ndërtimi si ajo në zemër të liqenit, në atë që duhet të ishte parku I Paskuqanit në bashkinë Kamëz. Kjo ndodhi pak ditë përpara se qytetarët ta shkulnin nga zyra në zgjedhjet e 30 Qershorit.
Ndaj për të vazhduar më tej edhe përmisimin dhe efikasitetin e ndërhyrjeve urbane në territor, për tu siguruar që kurrë me nuk kthehemi në kohën e ndërtimit pa kriter e pa asnjë plan si dhe për tu siguruar që asnjë kryetar bashkie e asnjë drejtues nuk e trajton më territorin me pakujdesi, pa vision dhe mbi të gjitha sikur sdo ketë një të nesërme ju ftoj të rrëzojmë këtë dekret dhe të vazhdojmë përpara.
