“Arsimtari” sekuestron automatikë dhe drogë, 5 në pranga
Policia e Durrësit ka vënë në pranga 5 persona për armëmbatje pa leje dhe lëndë narkotike. Gjatë aksionit të cilësuar “arsimtari” janë sekuestrar 2 armë zjarri automatikë 3 krëhëra, fishekë, lëndë narkotike, 2 automjete dhe 7 telefona celularë.
Për armbajtje pa leje është arrestuar një 62 vjecar Selman Tafa, 38 vjecari Avni Murati dhe Sulejman Murati banues në Bathore të Tiranës. Sipas policisë gjatë kontrollit të ushtuar në automjetet e tyre pranë Aeroportit “Nënë Tereza” janë gjetur armët.
Në pranga kanë përfunduar edhe Onjel Taka dhe Ergys Cela ku nga kontrollet e ushtuar në automjetet e tyre u gjetën dhe sekuestruan lëndë narkotike e dyshuar e llojit Cannabis Sattiva. Ndërkohë polica e Mallakastrës ka arrestuar 43-vjeccarin Zenel Lelaj pasi nga kontrolli i ushtruar, në banesën e tij u gjet një sasi materiali bimor i tharë i dyshuar Cannabis Sativa.
