Kryeministri Edi Rama ka folur sërish për reformën në Arsimin e Lartë, gjatë një vizite “surprizë” që zhvilloi në orët e vona të kësaj mbrëmje në spitalin “Shefqet Ndroqi” në Tiranë. Kreu i qeverisë theksoi se kjo reformë ka qenë ndër më të rëndësishmet edhe për Mjekësinë me qëllim rritjen e cilësisë dhe profesionalizimit. Sipas Ramës, në universitet sot janë ata të cilët e kanë merituar.
“Po të shikosh sot të gjitha auditorët e universiteteve, specializantët në mjekësi ishin vetëm hapi i parë i këtij eksperimenti, shikon kush është në këtë auditor, notat, mesataren e maturës dhe nuk gjen asnjë që s’ka hyrë që ka pikë më shumë se ata që kanë hyrë. Ka hyrë kush ka pasur më shumë meritë“, u shpreh Rama.
Pikërisht Reforma në Arsimin e Lartë është bërë objekt përplasjes mes PS-së dhe LSI-së.
ma/me
