Supersfida e javës së 8 në Angli shkon për Arsenalin që shkatërroi Manchester United me rezultatin e thellë 3-0.
‘Topçinjtë’ e Londrës e patën më të lehtë sesa e parashikuan ndeshjen me ‘Djajtë e Kuq’ duke e mbyllur ndeshjen në 20 minuta lojë, pasi u shënuan shumë shpejt 3 gola.
2 herë Sancez dhe njëherë Ozil vendosën United dhe Van Gal me ‘shpatulla pas murit’ duke e detyruar që të dorëzohej në shtëpinë e Venger.
Humbja e zbret Manchesterin në vendin e tretë duke u parakaluar nga Arsenali, por me pikë të barabarta.
Tashmë para Arsenalit në krye ndodhet Manchester City me 2 pikë më shumë.
Në ndeshjet e tjera, derbi mes Liverpulit dhe Evertonit përfundoi në barazim, ndërsa Totenham fitoi me Swansea.
