Autoriteti Rrugor Shqiptar u bën thirrje banorëve të zonës përgjatë Unazës së Madhe, nga Pallati me Shigjeta e deri te Sheshi Shqiponja, t’i drejtohen Drejtorisë së Planifikimit Strategjik për të dorëzuar dokumentacionin për pronat që preken nga ndërtimi i Unazës së Madhe.
Deri tani janë sqaruar afro 70% e poseduesve të objekteve që preken nga ndërtimi i kësaj vepre dhe 36 kanë marrë përgjigje me kërkesë zyrtare.
Gjithsej numri i objekteve që preken nga kjo vepër është 242.
“Autoriteti Rrugor Shqiptar i bën thirrje të gjithë banorëve të segmentit rrugor “Mbikalimi Pallati me Shigjeta Unaza Shqiponja Loti 1, 2, 3”, të cilët nuk kanë marrë ende kontakt me ARRSH-në, të paraqiten pranë institucionit të Autoritetit Rrugor Shqiptar dhe t’i drejtohen Drejtorisë së Planifikimit Strategjik dhe Operacioneve me të gjitha dokumentet përkatëse”, thuhet në njoftim.
Po ashtu ARRSH sqaron se Drejtoria e Planifikimit Strategjik dhe Operacioneve dhe Drejtori i Përgjithshëm kanë pritur dhe kanë sqaruar rreth 60-70 % posedues të objekteve të prekura nga projekti “Rehabilitim Mbikalimi Pallati me Shigjeta Unaza Shqiponja Loti 1, 2, 3.
“36 prej tyre kanë marrë përgjigje me shkresë zyrtare nga ARRSH. Objektet që preken nga projekti “Rehabilitim Mbikalimi Pallati me Shigjeta Unaza Shqiponja Loti 1, 2, 3” janë 242, sipas verifikimeve paraprake të bëra nga grupet e punës. Pjesa tjetër e banorëve që nuk janë paraqitur ende pranë institucionit të ARRSH-së janë të lutur të paraqiten për të marrë çdo informacion që u nevojitet”, mbyll njoftimin institucioni i ARRSH.
a.ç
