Autoriteti Rrugor Shqiptar njofton të gjithë drejtuesit e mjeteve se sot përfundojnë punimet në rrugën e Rinasit dhe nga nesër ky aks do të jetë i hapur. Prej 5 ditësh rruga Rinas-Universiteti Epoka është mbyllur për shkak të rehabilitimit.
Nga nesër, ky aks rrugor do të jetë i hapur për të gjithë shoferët.
“Sot përfundojnë punimet e asfaltimit në segmentin “Qafë Kashar-Rinas”(aeroport). Nesër më datë 31.01.2022 ky segment do të jetë i hapur do të vijojnë punimet për Fazën e Tretë duke filluar nga data 02.02.2022. Segmenti “Ahmetaq-Rinas” (aeroport) do të jetë i mbyllur.
Kërkojmë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë aks rrugor, si dhe respektimin në mënyrë rigoroze të sinjalistikës provizore dhe udhëzimeve të Policisë Rrugore në terren”, njofton ARRSH.
/b.h
