Kompania ‘Yahoo’ njoftoi ditën e hëne se do të shpërndajë bordin drejtues pas finalizimit të marrëveshjes me Verizon Communication duke larguar nga detyra shefen ekzekutive Marissa Mayer dhe bashkëthemeluesin David Filo. Me shitjet e biznesit qëndror të internetit, kompania do të riemërohet në Altaba. Kjo kompani do të drejtojë aksionet në Alibaba dhe Yahoo Japan.
Në krye të kompanisë së re do të vijë Eric Brandt i cili iu bashkua bordit të Yahoo në Mars të 2016-tës. Atij do ti bashkohen 4 anëtarë të bordit ku njëri prej tyre është Thomas McInterney, sipas Pcw. Kjo fazë ristrukturimi do të fillojë menjëherë pas finalizimit të shitjes për 4.8 miliardë dollarë, një marrëveshje e marrë peng prej muajsh nga dy hakimet e profilit të lartë.
Kjo marrëveshje u vu disa herë në dyshim. Megjithatë analistët thonë se vlera e vërtetë e Yahoo buron nga aksionet në Alibaba dhe Yahoo Japan. Aksionet e Yahoo shkuan në 41.35 miliardë dollarë mëngjesin e ditës së sotme./a.m.
