Këshilli Politik bie dakord mbi formulën e propozuar nga PD për zgjedhjen e anëtarëve të KQZ.
Dakorëdësia është arritur me ndryshim mbi të drejtën e vetos së përfaqësuesit të opozitës së bashkuar në Komisionin e Posacëm Parlamentar.
Mësohet se, PS nuk pranoi përcaktimin se në Komisionin e Posacëm Parlamentar, pjesë e së cilës do jetë edhe një përfaqësues i opozitës së bashkuar.
Ky përfaqësues do ketë të drejtën e vetos në procesin e përzgjedhjes së anëtarëve të KQZ.
Formula e cila përfshin një përfaqësues të opozitës së bashkuar në Komisionin e Posacëm Parlamentar, do jetë si dispozitë kalimtare që do jetë vetëm për zgjedhjet e ardhshme.
PD ka kërkuar që përzgjedhja e 12 anëtarëve të KQZ të bëhet nga Kuvendi, ndërsa komisioni duhet të mos jetë i përbërë nga deputetët.
Nga burime brenda mbledhjes mësohet se përfaqësuesi i mazhorancës Damian Gjiknuri ka pranuar këtë formulë të re të opozitës për përbërjen e Komisionit Qëndror të Zgjedhjeve.
Kjo ishte çështja me “e nxhtë” që ndante palët që pas arritjes në parim të marrëveshjes për Reformën Zgjedhore në Rezidencën Amerikane.
Tanimë, pritet që ekspertët e partive të detajojnë marrëveshjen e arritur dhe disa çështje të tjera teknike për të hartuar më pas draftin përfundimtar të Reformës Zgjedhore.
Aktualisht Këshilli Politik po diskuton mbi të drejtën e votës së emigrantëve. Mësohet se modalitetet për votën e emigrantëve do i takojnë KQZ.
/e.rr
