Arrestohet vëllai i Lulzim Cakës, kreu të bandës së Beratit. Julian Caka është arrestuar sëbashku me Gentian Kicën për gjobënie ndaj një personi.
“Më datë 27.05.2016, pas hetimeve disa javore midis Prokurorisë për Krimet e Rënda Tiranë dhe Sektorit për Hetimin e Krimeve të Rënda në Drejtorinë Vendore të Policisë Fier, u finalizua me sukses operacioni i koduar ”Bashkpunimi”, nga ku u bë i mundur arrestimi në flagrancë i shtetasve:
Julian Caka, 41 vjeç, lindur ne Stamaticë, Berat dhe banues në fshatin Koçaj, Lushnjë, i dënuar më parë për vrasje.
Gentian Kica, 39 vjeç, lindur dhe banues në Fier”.
Policia sakaq ka shpallur në kërkim bashkëpunëtorin e dy të arrestuarve, Kelmend Kastrati, 31 vjeç lindur e banues në Fier. 31 vjeçari sipas bluve është shënjestra e atentatit tek Mulliri i artë në Fier ndodhur me 8 Janar 2016.
Policia thotë se “Caka, Kica dhe Kastrati në bashkëpunim me njëri-tjetrin, janë marrë me trafikim të lëndëve narkotike dhe për ketë arsye kanë shtërnguar për dhënie pasurie duke i vënë gjobë 20.000 euro shtetasin A.B”.
Gjatë zhvillimit të hetimit me metoda speciale, u bë e mundur sigurimi provave materiale, sekuestrimi i 12 aparateve telefonik celular dhe disa pamjeve filmike.
Materialet iu referuan Prokurorisë për Krimet e Renda Tirane për kryerjen e veprave penale “Shtrëngimi me anë të kanosjes ose dhunës për dhënien e pasurisë”, “Trafikimi i narkotikëve” dhe “Sigurimi i kushteve e mjeteve për vrasje”.
