Arrestohen dy persona të cilësuar si të rrezikshëm në qytetin e Tepelenë.
Burime nga vendngjarja konfirmojnë se specialistët e Seksionit të Antidrogës në Policinë Vendore të Gjirokastrës kanë arrestuar dy persona nga kryeqyteti.
Arrestimi ka ardhur pak minutash pas një kontrolli rutinor që është ushtruar në afërsi të qytetit të Tepelenës.
Personat e arrestuar Bledi Haka 38 vjeç dhe Rigert Çekani 30 vjeç të dy nga Tirana u janë gjetur në automjet 10 gramë kokaine si dhe një pistoletë TT dhe një thikë.
Menjëherë dy të rinjtë janë çuar në dhomat e izolimit në Policinë e Gjirokastrës.
Por më 17 tetor 2019, gjatë një kontrolli rutinor nga reparti “Shigjeta”, Bledi Haka, u prangos në zonën e Liqenit Artificial në Tiranë. Asokohe Hakës, i janë sekuestruar edhe armë zjarri, fishekë, lëndë narkotike dhe karta banke.
Atij iu gjetën disa doza kokaine, një armë e llojit Glock, 2 mln lekë të reja të ndara në prerje 50-she dhe karta banke. Gjithashtu iu sekuestruan edhe disa karta banke, çelësa automjetesh dhe celularë. Makina luksoze ku u ndalua Haka kishte bllokues valësh, pasi ai i trembej një eliminimi me eksploziv.
g.kosovari
