Mes mesin të arrestuarve për grushtin e shtetit në Turqi është edhe 30-vjeçari shqiptar, Marjus Hoxha, i cili punon si asistent pedagog në Universitetin Zirve në Ankara.
Mësohet se familjarët e 30-vjeçarit në Cërrik të Elbasanit janë informuar nga miq të profesorit, i cili për autoritet turke është lidhur me lëvizjen Gylen.
Report Tv mëson se familjarët kanë kontaktuar edhe ambasadën shqiptare në Turqi, e cila nuk u ka dhënë shumë informacione, por ka saktësuar se i riu është arrestuar.
Ambasadori shqiptar në Turqi, Gent Gazheli i kontaktuar nga Report Tv nuk ka pranuar të japë sqarime në lidhje me arrestimin e pedagogut shqiptar.
“Kemi të bëjmë më një informacion të klasifikuar”deklaroi Gent Gazheli duke lënë të nënkuptohet se pedagogu Marjus Hoxha është arrestuar nga autoritetet turke edhe pse Ambasada Shqiptare në Turqi nuk ka pranuar të japë më shumë informacione.
Marjus Hoxha akuzohet për lidhje me Lëvizjen e Fetullah Gulen, ndërsa Turqia është në pritje të përgjigjes për ekstradimin e tij vazhdon reprezaljen për arrestimin e të gjithë përkrahësve të klerikut.
