Arrestohet, pasi telefonoi policinë 150 herë
Një amerikane nga Georgia, është arrestuar pasi që e ka thirrur policinë 150 herë për 2 javë, raporton Huffington Post.
Autoritetet në Bibb County e kanë akuzuar 41 vjeçare Toxhiba Smith, për raportimin e emergjencave të rreme.
Gruaja akuzohet se e ka thirrur policinë 150 herë për dy javë. Në raportin e policisë thuhet se gruaja është arrestuar pasi që herën e fundit kishte thirrur në 911 dhe kishte thënë se fqinji i saj po montonte një kamerë për ta monitoruar atë. Policët kanë thënë se ajo i ka thirrur aq shpesh, sa ata kishin vendosur të rrinin te shtëpia e saj.
Policia i kishte treguar se do të arrestohej nëse nuk do të pushonte së telefonuari. Smith pas arrestimit është liruar pasi ka paguar garancinë prej 1300 dollarë. Numri i saj i telefonit është anuluar dhe ajo nuk mund të bëjë më thirrje për një kohë.
