Një 74-vjeçare është arrestuar ditën e sotme në Greqi pasi hetimet e policisë rezultuan se ajo kishte vrarë burrin e saj 82-vjeçar me 21 nëntor të 2020.
Mediat greke raportojnë se 82 vjeçari u gjend i vdekur në banesën e tyre në nëntor të vitit të kaluar dhe autopsia dëshmon se ai është mbytur.
Bashkëshortja e tij, e cila e kishte kamofluar situatën si një vdekje normale, vuante nga problemet psikologjike, dhe pas shumë hetimesh policia zbuloi se ajo ishte autore e vrasjes.
Dosja e çështjes është dërguar në prokurori dhe do të shqyrtohet rreth dënimit të së moshuarës, ndërsa arsyet e vrasjes nuk janë bërë ende të ditura. /m.j
