Policia Kufitare në bashkëpunim me Interpol Tirana, ka arrestuar në Rinas një 40-vjeçar të shpallur në kërkim ndërkombëtar për veprat penale “Organizatë kriminale” dhe “Trafik i lëndëve narkotike”.
Burime bëjnë me dije se në pranga ka rënë Domi Vuksani alias Nikel Vuksani, 40 vjeç, lindur në Shkodër, i dënuar nga drejtësia italiane me 12 vjet burg.
Ky i fundit është arrestuar teksa po hynte në Shqipëri, ndërsa do të esktardohet në Itali.
“Shërbimet e Komisariati të Policisë Kufitare Rinas në bashkëpunim me Interpol Tirana, pas verifikimeve të imtësishme të bërë në sistem të të dhënave të 40-vjeçarit, i cili kishte ndërruar gjeneralietet me qëllim shmangien e dënimit në Itali, kanë bërë arrestimin provizor me qëllim ekstradimi në Itali të shtetasit shqiptar Domi Vuksani alias Nikel Vuksani, 40 vjeç, lindur në Shkodër.
Shtetasi Domi Vuksani ishte i shpallur në kërkim ndërkombëtar nga Interpol Roma në vitin 2014, pasi Gjykata e Firences/Itali e ka dënuar me 12 vjet burg për veprat penale “Organizatë kriminale” dhe “Trafik i lëndëve narkotike”, njofton policia./l.m
