Efektivët e policisë së Komisariatit të Policisë Kufitare dhe Migracionit të Rinasit kanë mundur të ndalin një shtetas italian gjatë pasdites së kësaj të shtune, i cili ishte shpallur në kërkim ndërkombëtar.
Nga sa raporton Policia e Shtetit, në Rinas është ndalur shtetasi Alberto L. Carruggio, 41 vjeç dhe banues në Itali, pasi për të është lëshuar urdhër arresti ndërkombëtar me qëllim ekstradimin e tij në drejtim të Italisë.
Shtetasi italian në fjalë është dorëzuar në ambientet e paraburgimit të Drejtorisë së Policisë së Qarkut Tiranë, ndërsa është mësuar se ndaj tij ekziston edhe një vendim nga Gjykata e Lartë Bihor në Rumani, i dhënë më 5 shtator të vitit 2013, sipas të cilit dënohet me 3 vite e 6 muaj burgim për shkak se akuzohet për veprën penale të “evazionit fiskal” dhe “pastrim parash”.
