Policia e Vlorës ka arrestuar një 33-vjeçar me akuzën e prodhimit dhe shitjes së lëndëve narkotike
Pas një operacioni policor u arrestua në flagrancë shtetasi N. G., 33 vjeç, banues në lagjen “29 Nëntori”, Vlorë, pasi gjatë kontrollit të ushtruar në banesën e tij, shërbimet e Policisë kanë gjetur dhe sekuestruar në cilësinë e provës materiale 82 doza me lëndë të dyshuar narkotike heroinë dhe 12 doza me lëndë të dyshuar narkotike kanabis sativa.
Nga veprimet hetimore dyshohet se ky shtetas siguronte lëndë narkotike dhe më pas i përgatiste në doza, në banesën e tij, me qëllim shitjen e tyre.
/s.f
