Ceshtja e Bret Kavanaugh po merr në Shtetet e Bashkuara përmasa që i kapërcejnë parashikimet. Me qindra persona që protestonin përpara Gjykatës së Larte të vendit kundër të përzgjedhurit të Presidentit për të qenë anëtar i saj, kanë përfunduar në pranga.
Mes kundërshtimesh të forta nga demokratët, senatorët republikane u zotuan të vazhdojnë me votimin mbi konfirmimin e Kavanaugh, vetëm pak orë pasi FBI-ja paraqiti raportin e saj rreth akuzave për sulmin e supozuar seksual te tij.
Ligji i detyron senatorët të mos zbulojnë detajet e raportit të Byrosë Federale të Hetimit, një kopje e vetme e të cilit u bë i disponueshëm për ta lexuar pas dyerve të mbyllura të një salle të sigurt brenda Kapitolit.
Megjithatë, disa senatorët republikanë dolën për t’u thënë gazetarëve se nuk panë asgjë që mund të implikonte Kavanaugh në sjellje të papërshtatshme seksuale. Raporti pra, ne thelb, është shfajësues.
FBI-ja nuk ka gjetur palë të treta që të mund të mbështesnin ndonjë prej akuzave. Por me afrimin e votimit, mijëra demonstrues kryesisht femra, marshuan në rrugët e kryeqytetit me thirrjet: “Kavanaugh duhet të largohet!”.
Policia i rrethoi tubuesit kur u ulën përpara ndërtesës së senatit e refuzuan të leviznin nga vendi. Ne total u arrestuan 302 persona, përfshirë këtu aktoren komike Amy Schumer dhe modelen Emily Ratajkowski .
Protesta pati dhe përpara kullës Trump në New York. Nëse konfirmohet ne pozicionin që paskësaj do të mbajë përjetë në Gjykatën më të Lartë të Amerikës, 53-vjeçari Kavanaugh pritet t’i ndihmojë konservatorët të dominojnë panelin 9 anetarësh, të cilit i takon fjala e fundit për çështje si aborti, kontrolli i armëve dhe rregullat e votimit.
a.ç
