Një operacion i policisë ka bërë të mundur sekuestrimin e plot 140 kilogramëve kanabis sativa dhe prangosjen e dy personave.
Operacioni në lagjen ‘Sela’ të fshatit Luftinjë të Tepelenës bëri të mundur që gjatë një kontrolli në dy banesa të sekuestrohen 24 thasë plastikë me lëndën narkotike.
Në banesën e Agim Selës u gjetën dy thasë. Ai është arrestuar për veprën penale ‘Prodhim dhe shitje të narkotikëve’. Gjithashtu në shtëpinë e vëllait tjetër Myslym Sela, policia ka arritur të gjejë pjesën tjetër të drogës.
Mësohet se Myslym Sela është shpallur në kërkim sëbashku me dy djemtë e tij.
