Policia e Tiranës ka ndaluar mëngjesin të mërkurës dy persona për armëmbajtje pa leje dhe prodhim e shitje të lëndës narkotike. Sipas njoftimit të Policisë, efektivët ë komisariatit numër 5 bënë të mundur ndalimin e dy shtetasve për veprat penale të “Prodhimi dhe mbajtja pa leje e armëve luftarake dhe e municionit” dhe “Prodhimi dhe shitja e narkotikëve”. Të arrstuar janë, Altin Çela, 43 vjeç, banues në Tiranë, ish punonjës policie dhe Xhon Çela, 21 vjeç, banues në Tiranë
Ndalimi i këtyre shtetasve u bë, pasi janë konstatuar me dy doza me lëndë të dyshuar “Cannabis Sattiva”, si dhe gjatë kontrollit të ushtruar në banesën e tyre, janë gjetur dhe sekuestruar në cilësinë e provës materiale; 15 qese farmacie, me lëndë të dyshuar narkotike “Cannabis Sattiva” me peshë 45 gram. 7 granata dore Difensive. 6 ndezës detonatore me mashë. 12 krehëra fishekësh, nga te cilët 4 copë janë 30-tsh dhe 8 copë janë 10-tsh, pa fisheke
Materialet Proceduriale i’u kaluan Prokurorisë pranë Gjykatës Shkallës së Parë Tiranë, për veprat penale ” Prodhimi dhe mbajtja pa leje e armëve luftarake dhe e municionit ” dhe ” Prodhimi dhe shitja e narkotikëve “, parashikuar nga Nenet 178 dhe 283/2 të Kodit Penal. (javanews.al / a.r)
