Është arrestuar në Xhibuti, 36 vjeçari Peter Sherif i dyshuar si ideatori kryesor i masakrës në redaksinë e gazetës satirike Charlie Hebdo. Tashmë ai ndodhet në duart e policisë franceze. Xhihadisti francez Peter Sherif, i dyshuar si ideator i atentatit në redaksinë e gazetës satirike Charlie Hebdo në janar të vitit 2015 në Paris, u arrestua në Xhibuti dhe tashmë ndodhet në duart e policisë franceze.
Lajmi është konfirmuar nga e përjavshmja franceze Marian e cila citon burime të qeverisë. 36 vjeçari ishte mik i vëllezërve Kouachi, autorë të masakrës në redaksi i njohur dhe me emrin Abu Hamza, në arrati që nga viti 2011, Sherif ishte një nga terroristët më të kërkuar në botë.
Me precedent të lehtë penalë, Sherif ka luftuar në Irak në fillim të vitit 2000. I dënuar nga irakianët në vitin 2006 ai u arratis para se të arrestohej sërish dhe ti dorëzohej autoriteteve franceze.
I lënë i lirë në pritje të procesit gjyqësor ai arriti të zhdukej ditën e fundit të procesit të tij në janar të 2011. Pasi arriti në Jemen ai u bë pjesë e radhëve të Al Kaedës ku u bashkua me një nga vëllezërit Kouachi, Said.
Sipas policisë, Peter Sherif është një nga ideatorët dhe urdhëruesit pra protagonist kryesor i masakrës së Charlie Hebdo. Ai ka pasur kontakte dhe me Amedi Kulibali, autor i sulmit në supermarketin për hebrenj në Paris, dy ditë më pas. /a.meta
