Komentet e bëra në rrjetin social “TikTok” ku regjistron më shumë se 70 mijë ndjekës i hapën problem me ligjin reperit Clevio Serbiano, i cili në “live” fton shpesh mediat të kapin lajmin, por këtë fundjavë u bë vetë lajm.
Tre ditë më parë në komisariatin e Durrësit kishte bërë kallëzim për përndjekje Rigels Rajku, i njohur me emrin e artit Noizy, pasi në rrjetin social “TikTok” Clevio e kërcënonte dhe ofendonte dhe kjo i shkaktonte gjendje ankthi dhe frike.
Një ditë më parë, në Durrës u shpall në kërkim edhe miku i Clevio Serbianos, Klajdi Mancalku, i cili plagosi me kallashnikov 2 persona pasi i komentuan në “TikTok” se nuk dinte të bënte muzikë.
/s.f











