Një 29-vjeçar me origjinë shqiptare dhe gruaja e tij janë arrestuar ditën e sotme nga autoritetet italiane.
Burrë e grua u arrestuan nga autoritetet italiane teksa po udhëtonin me mjetin e tyre tip “Volkswagen Polo”. Në mjet ndodhej edhe fëmija i çiftit, 10-muajsh, raportojnë mediat e huaja.
Gjatë kontrolleve të kryera në banesën dhe mjetin e shqiptarit nga policia efektivët e policisë sekuestruan 30 mijë euro cash të përfituara nga shitja e drogës dhe 9 kilogramë heroinë.
Të dy përballen me akuzën për trafikim dhe shitje të lëndëve narkotike.
