Prej disa ditësh policia, bashkë me Task Forcën e OSHEE-së vijojnë punën për goditjen e paligjshmërisë.
Nga shërbimet policore në bashkëpunim me Task Forcën e OSHEE-së, janë ushtruar kontrolle në subjekte të ndryshme ditën e djeshme me qellim goditjen e paligjshmërisë.
Si rezultat i këtyre kontrolleve, policia e Shkodrës bën me dije se ka vënë në pranga Melazim K., 22 vjeç, banues në Shirokë, Shkodër.
Arrestimi është bërë pasi, në Bar – Restorantin në pronësi të tij, u konstatua lidhje e paligjshme e energjisë elektrike që e furnizonte .
Gjithashtu, është shpallur në kërkim dhe punohet për kapjen e V.M. , 38 vjeç, banues në Kosove, i vendosur provizorisht në Velipojë.
Shpallja në kërkim e tij është bërë pasi në dyqanin Piceri të tij , është konstatuar lidhje e paligjshme e energjisë elektrike që e furnizonte.
Materialet procedurale në ngarkim të shtetasve të proceduar të lartpërmendur, i kaluan Prokurorisë së Rrethit Gjyqësor Shkodër për veprën penale “Vjedhja e energjisë elektrike”.
a.ç
