Policia italiane ka arrestuar nëj sipërmarrës italian, Walter D’Alessandro, i akuzuar për pastrim parash si dhe për trafik të lëndëve narkotike nga Shqipëria në Itali.
Sipas mediave italiane 43-vjeçari ishte në kërkim nga policia si pjesë e organizates kriminale nën akuzën e trafikimit të drogës midis Italisë dhe Shqipërisë, ndërsa të shtunën është dorëzuar në polici. Ai sipas hetimeve, vinte në dispozicion të shpërndarësve e korrierëve shqiptarë makina të fuqishme për trafikimin e lëndëve narkotike.
“Me anë të biznesit të tij, ai kishte punësuar në mënyrë false, për t’i siguruar leje qëndrimi të rregullt, disa shqiptarë, që realisht i përdorte për trafikimin e kokainës dhe marijuanës mes Shqipërisë e Italisë” shkruajne mediat italiane.
