Policia e Tiranës ka arrestuar në flagrancë për veprat penale të “Shfrytezimit të prostitucionit” dhe “Mbajtjes së lokaleve për prostitucion” shtetasit:
F. Xhemali (Kuçi), 26 vjeç, lindur në Berat dhe banuese në Tiranë, për veprën penale të “Shfrytëzimit të prostitucionit”, parashikuar nga neni 114 I K.penal.
Ilir Peraj, 46 vjeç, lindur në Shkodër dhe banues në Tiranë për veprën penale të “Shfrytëzimit të prostitucionit” dhe “Mbajtje së lokaleve për prostitucion”, parashikuar nga neni 114 dhe 115 I K. Penal.
Anila Morava, 43 vjeç, lindur në Berat dhe banues në Tiranë, u arrestua në flagrancë për veprën penale të “Mbajtjes së lokaleve për prostitucion”, parashikuar nga neni 115 I K.penal .
Po kështu u procedua në gjëndje të lirë shtetasi A. D, 16 vjeç, lindur në Tiranë, banues në Tiranë, për veprën penale të “Shfrytëzimit të prostitucionit”, parashikuar nga neni 114 I K.Penal.
Në bazë të informacioneve që Policia e Tiranës posedonte prej një muaj, se në një lokal në periferi të Tiranës zhvillohej aktivitet i prostitucionit, i organizuar nga shtetas Ilir Peraj, kanë ushtruar kontroll dhe kanë konstatuar disa vajza balerina të cilat kanë qënë të punësuara në mënyrë të paligjshme, ku ndër të tjera është konstatuar e mitura me inicialet F.GJ, e cila ka qënë shpallur në kërkim si person i larguar nga banesa, në datë 06.05.2015. Kjo shtetase është shfrytëzuar për prostitucion në këtë ambient.
Materialet do ti kalojnë Prokurorisë Rrethit Gjyqësor Tiranë për hetime të mëtejshme.
