Policia e Tiranës ka ndaluar 4 persona mes tyre edhe Ballist Morinën. Ngjarja ka ndodhur mbrëmjen e djeshme në rrugën “Petro Nini Luarasi”, ku policia ka ndaluar automjetin tip “Range Rover” që po drejtohej nga Ismail Morina.
Të arrestuarit e tjerë janë Erion Bahushi , 22 vjeç lindur ne Erseke dhe banues ne Tirane, Denis Balla, 21 vjeç lindur dhe banues ne Tirane, Marin Rexha, 20 vjeç, lindur dhe banues ne Tirane.
Nga kontrolli i ushtruar në automjet u zbulua dhe u sekuestrua një armë zjarri pistoletë Zastava me 6 fishekë, e cila ishte pa lejen përkatëse. Gjate kontrrollit te mjetit ne pjeset e brendeshme te tij eshte bere e mundur gjetja dhe e nje arme tjeter pistolete tip TT si dhe 30 fishekeve per kete pistolete.
Po ashtu u zbuluan dhe sekuestruan edhe 30 bileta për ndeshjen Shqipëri-Serbi.
Të ndaluarit u shoqëruan në Komisariatin nr.1 ku edhe po merren në pyetje. Përpara hetuesve Ballisti është shprehur se armën e mbante për vetëmbrojtje.
Procedura e shoqërimit në polici zgjat deri në 72 orë. Kjo do të thotë se Ballist Morina humbet ndeshjen e shumëpritur Shqipëri-Serbi.
