Një 43 vjeçar i shpallur në kërkim dhe i dënuar me burgim të përjetshëm për veprën penale të rrëmbimit të personit, është vënë në prangat e policisë ditën e sotme. I arrestuari është Gentian Çaka, ndërsa burime për Javaneës.al bëjnë të ditur se ai është një nga pjesëtarët e grupit famëkeq “Hakmarrje për Drejtësi.”
Prej vitesh me radhë, Çaka fshihej në një vilë dy katëshe në Pogradec. Ai është i dënuar në mungesë në vitin 2008 me burgim të përjetshëm pasi 13 vjet më parë, në gusht të vitit 2002
Çaka në bashkëpunim me 4 persona të tjerë të veshur me uniforma të policisë morën peng biznesmenin Halit Nazifi në këmbim të 1 milionë dollarëve që i kërkuan familjarëve për jetën e Nazifit.
Dy ditë pas pengmarrjes, pasditen e 1 korrikut të vitit 2002 pati shkëmbim zjarri mes efektivëve dhe pengmarrësve në bulevardin “Zhan D’Ark” në kryeqytet. Si pasojë e të shtënave pengmarrësi Çaka mbeti i plagosur, ndërsa pengu Halit Nazifi u la i lirë mëngjesin e 2 korrikut.
Por edhe pse u shtrua në Spitalin Ushtarak për mjekim, Gentian Çaka mundi të arratisej përmes falsifikimit të emrit në regjistrin e urgjencës.
Gentian Caka ishte protagonist në pengmarrje së bashku me Kreshnik Spahinë, dy anëtarë të “Hakmarrjes për Drejtësi”, ndërsa Spahiu figuron ende në listën e personave të shpallur në kërkim.
Redaksia Online
(Javanews.al)
