48 vjeçari nga Devolli, Gjergji Begolli ka rënë në prangat e Policisë. Ai ishte shpallur në kërkim, pas dënimit me 5 vjet burg, për përdhunimin e nuses së djalit. Ngjarja ka ndodhur në nëntor të vitit 2013. Nusja e mitur, 17 vjeçe e akuzoi vjehrrin se kishte kryer marrëdhënie seksuale me dhunë, duke përfituar nga fakti që ishin vetëm në shtëpi, pasi burri i saj ndodhej në mal.
Sipas ‘Panorama’, vjehrra e saj, dha një version tjetër të ngjarjes, duke deklaruar se në momentin që nusja thotë se ka ndodhur përdhunimi, ajo me të shoqin ndodheshin tek të afërmit.
Pavarësisht kësaj, në shkurt të këtij viti, Gjykata e Apelit ka vendosur që të lërë në fuqi vendimin e Gjykatës së Shkallës së Parë në Korçë dhe të japë ndaj tij dënimin me 5 vite burg për Begollin.
a.ç
