Policia greke ka vënë në pranga një 37-vjeçar shqiptar, i cili njihet si një nga tregtarët më të mëdhenj të drogës që furnizonte me kanabis dhe kokainë klientët në ishin e famshëm Mykonos.
Shqiptari, i cili njohej me emrin grek “Panagiotis” u arrestua teksa po ngiste një makinë Audi. Siç raporton protothema.gr, shqiptari jetonte në Mykonos, por udhëtonte shpesh në Athinë.
Në cilësinë e provës materiale, shqiptarit iu sekuestruan 180,100 euro, të cilat i kishte fshehur në një çantë dhe një sasi droge.
Shqiptarit iu sekuestruan 8.5 kg kanabis e përpunuar, 2.5 kg drogë në formë çokollate, gjysmë kilogram kokainë dhe mbi një mijë doza XTC, dy makina, një pistoletë, 4 peshore, një makinë për numërimin e parave dhe një kasafortë.
Ndërsa nga kontrolli në banesë, policia i gjeti 16 shënime të shkruara me dorë dhe disa emra, të cilat tashmë janë bërë tashmë pjesë e hetimit.
