Mbesa e Përfaqësues së Lartë për Politikën e Jashtme në Bashkimin Evropian dhe zv.Presidentja e KE-së, Federica Mogherini është mes 15 të arrestuarve të një grupi shqiptar të trafikut të kokainës në restorantet VIP të Romës.
Gaia Mogherini ka marrë masën “arrest me burg”. 26-vjeçarja është vajza e vëllait të madh të Frederica Mongherini, e cila gjithashtu ka mbajtur dhe postin e ministres së Jashtme në Itali.
26-vjeçarja akuzohet se më 28 shkurt të vitit 2015 ka marrë një sasi të paspecifikuar kokainë me qëllim tregtimin e saj nga Manuel Zumpano, djali i një prej kriminelëve më të njohur të Romës në vitet 80-të.
Sipas mediave italiane , organizata kriminale drejtohej nga shqiptari Rigers Durici dhe Manuel Zumpano, djali i një anëtari të organizatave mafioze në Romë, në vitet 80.
Në fakt, mbesa e zyrtares së lartë të BE-së është ndaluar, pasi dyshohet si bashkëpunëtore e të dashurit të saj Roberto Nicoletti, i cili ishte pjesë e organizatës që merrej me trafikun e kokainës në kryeqytetin italian.
Mediat italiane shkruajnë se organizata e drejtuar nga shqiptari Duriçi dhe djali i mafiozit Zumpano e siguronte drogën nga Spanja dhe Shqipëria. Sipas hetimeve, dyshohet se ky grup kriminal qarkullonte drogë me vlerë 100 mijë euro gjatë një jave.
Shqiptarja/d.i.
