Autoritetet turke kanë arrestuar dy persona për kontrabandën e një pikture të artistit flamand nga shekulli i XVII, Anthony van Dyck, sipas raporteve të medias vendase.
Gazeta “Hurriyet” shkruan se autoritetet e kapën pikturën në Stamboll pasi dy biznesmenë u përpoqën për ta shitur fshehtazi policisë turke për 14 milionë lira, ose rreth 4,6 milionë $.
Dy biznesmenët thuhet se e kanë blerë pikturën prej disa kontrabandistëve për 200.000 $. Ata u arrestuan në një hotel luksoz në lagjen historike të Topkapi ku ata u përpoqën për të shitur pikturën. Autoritetet turke kanë njoftuar për imazhin, ku tregohet një nudo, por pa dhënë ndonjë hollësi mbi origjinën e imazhit.
Besohet se piktura e Van Dyck, është e vlerësuar në disa milionë dollarë. Agjencia ruse e lajmeve Interfax njoftoi se piktura ka qenë e varur në murin e një shtëpie në Gjeorgji 15 vjet, por ajo nuk kishte asnjë ide se ajo mund të ishte puna e mjeshtrit flamand.
Një grua, Eka Abashidze, i pohoi kanalit gjeorgjian “Imedi” se familja e saj vendosi për ta shitur pikturën në vitin 2010 për shkak se u përballën me probleme financiare, sipas Interfax.
Dy burra që e blenë premtuan se do të paguanin 37.000 USD, por kanë mashtruar dhe paguan vetëm 7,000 USD për familjen dhe u zhdukën.
Van Dyke, i cili është konsideruar si një nga portretistët më të mëdhenj të të gjitha kohërave, përfundoi rreth 800 punë para vdekjes së tij ( jetoi vetëm 42 vjet) në vitin 1641.
