Ditën e sotme në zonën e “Shina-Hidrovor”, janë arrestuar në flagrancë 2 persona në tentativë e sipër për të kaluar kufirin me një sasi të konsiderueshme lëndësh narkotike.
Grupi kriminal përbehej nga 3 të rinj, ku 2 u arrestuan dhe 1 tjetër u shpall në kërkim pasi ka arritur t’i arratiset policisë. Në pranga ka rënë E. I. dhe D. Zh, teksa në kërkim është E. D.
Transportuesit e lëndëve narkotike udhëtonin me një mjet tip “Ford”, të cilin e braktisën pasi vunë re uniformave blu dhe iu drejtuan një zone të pyllëzuar e quajtur “Hidrovori” me qëllim arratisjen.
Policia kufitare i është vënë menjëherë në ndjekje, duke bërë të mundur edhe kapjen e 2 prej 3 personave.
Pas kontrollit që i është ushtruar mjetit të udhëtimit të të arrestuarve, policia ka gjetur rreth 1.5 kg kanabis. Lëndë në cilësinë e provës materiale.
Kështu finalizohet me sukses operacioni policor i koduar “Hidrovori”. Personat akuzohen për “Trafikim i narkotikeve”, kryer në bashkëpunim dhe “Kalim i paligjshëm i kufirit shtetëror”.
