Dy shqiptarë janë arrestuar nga autoritetet në Londër pasi u kapën me kokainë dhe armë në banesë.
Kontrolle të befasishme u kryen në banesën e tyre në rrugën “Hornsey”, ku u zbuluan rreth 25 mijë paund, lëndë narkotike dhe armë.
Gjatë kontrollit të shtëpisë, ata gjetën edhe një pistoletë të kalibrit 32 në njërën prej dhomave të gjumit, ndërsa një tjetër sasi kokaine ishte fshehur në tualet.
Arben Sulka u arrestua në momentin që tentoi të hidhej nga ballkoni i ndërtesës. Ndërkohë i arrestuari tjetër është 32-vjeçari Elton Osmenaj.
Pak ditë më parë, policia kufitare britanike arrestoi edhe dy shtetas të tjerë shqiptarë duke trafikuar kokainë nga Amerika Latine me vlerë tregu rreth 1 milion paund.
/a.r
