Dy persona, të dyshuar si shpërndarës të lëndës narkotike u arrestuan nga policia ditën e sotme në Elbasan, ndërsa u sekuestruan edhe 2 kg kanabis.
Arrestimet erdhën si pasojë e finalizimit të operacionit të koduar “Shpërndarësit”, ndërsa në pranga ranë Bulent Luniku, 22 vjeç banues në Elbasan dhe Ambri Sinakoli, 22 vjeç banues po në Elbasan.
Arrestimi i tyre, u bë pasi në Lagjen “Visarion Xhuvani”, në rrugën “Qamil Guranjaku” gjatë kontrollit të në automjetin tip “BMË” të drejtuar nga Bulent Luniku, në sediljen e pasme të këtij automjeti, grupi hetimor ka gjetur dhe sekuestruar 2 kg kanabis, një pjesë e paketuar me letër natriban dhe një pjesë e ndarë në doza të vogla gati për shitje.
Gjithashtu në cilësinë e provës materiale u sekuestruan:
2 telefona celularë të markave të ndryshme, si dhe automjeti ku u gjet lënda narkotike e dyshuar “Cannabis Sativa”
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve, e kryer në bashkëpunim”
Njoftimi i plotë i policisë
Elbasan
Finalizohet operacioni policor i koduar “Shpërndarësit”
Goditen dy shpërndarës të lëndës narkotike.
Arrestohen në flagrancë dy shtetas
Sekuestrohen 2 kg lëndë narkotike e dyshuar Cannabis Sativa, automjeti dhe dy telefona celularë.
Një pjesë e lëndës narkotike e ndarë në doza gati për shitje.
Në vijim të punës për rritjen e parametrave të sigurisë, kontrolleve të ushtruara për kapjen e personave me rrezikshmëri kriminale, apo të shpërndarësve të lëndëve narkotike, si dhe mbi bazën e informacioneve të marra në rrugë operative, Specialistët e Seksionit për Hetimin e Narkotikëve, në bashkëpunim me Specialistët e Sektorit për Hetimin e Krimeve të Rënda, në Drejtorinë Vendore të Policisë Elbasan, finalizuan me sukses operacionin e koduar “Shpërndarësit”.
Në kuadër të këtij operacioni, u bë arrestimi në flagrancë i shtetasve:
Bulent Luniku, 22 vjeç banues në Elbasan
Ambri Sinakoli, 22 vjeç banues në Elbasan
Arrestimi i tyre, u bë pasi në Lagjen “Visarion Xhuvani”, në rrugën “Qamil Guranjaku” gjatë kontrollit të ushtruar në automjetin tip “BMË” të drejtuar nga shtetasi Bulent Luniku, në sediljen e pasme të këtij automjeti, grupi hetimor ka gjetur dhe sekuestruar në cilësinë e provës materiale:
2 kg lëndë narkotike e dyshuar Cannabis Sativa, një pjesë e paketuar me letër natriban dhe një pjesë e ndarë në doza të vogla gati për shitje.
Gjithashtu në cilësinë e provës materiale u sekuestruan:
2 telefona celularë të markave të ndryshme, si dhe automjeti ku u gjet lënda narkotike e dyshuar “Cannabis Sativa”
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve, e kryer në bashkëpunim”, parashikuar nga neni 283/2 I Kodit Penal.
a.ç
