Policia e Kosovës në orët e para të mëngjesit të së mërkurës ka zbarkuar në veri të Mitrovicës, duke arrestuar dy persona si të dyshuar në vrasjen e polikanit serb, Oliver Ivanoviç.
Siç raportojnë mediat në Kosovë, njëri prej të arrestuarve është zyrtar serb i Policisë së Kosovës.
Gazeta Express shkruan se personi i arrestuar është me inicialet R.B. ndërkohë tek i arrestuari i dytë policia ka gjetur edhe një armë.
Në lidhje me vrasjen e politikanit serb deri tani janë arrestuar 6 persona, dy prej të cilëve janë liruar. Ndërsa shteti ka lëshuar urdhërarrest ndërkombëtar për Milan Radojiçiqin i cili po fshihet në Serbi.
Oliver Ivanoviç, ish-ministër dhe ish-deputet në Kuvendin e Kosovës ka udhëhequr SDP-në, ndërsa u vra më 16 janar të vitit 2018.
/a.r
