Dy persona janë arrestuar nga policia pasi akuzohen për ushtrim dhune ndaj nënës së tyre. Bëhet fjalë për dy raste të ndryshme të evidentuara nga policia, një në qytetin e Vlorës dhe një në Lushnje.
Kështu policia e Vlorës ka arrestuar në flagrancë shtetasin Albert V. Selimaj. Arrestimi i Selimaj u krye në banesën e tij, në lagjen “10 korriku”, pasi ka ushtruar dhunë fizike, duke e goditur me grushte, nënën e tij, shtetasen G.S., 73 vjeçe.
Ndërsa, policia e Lushnjës ka arrestuar në flagrancë Afrim A., 37 vjeç , banues në lagjen “2o tetori”, pasi në banesën e tij ka ushtruar dhunë fizike dhe psikologjike ndaj nënës së tij ,shtetases, N.A., 59 vjeçe.
