Dy djemtë e Rrapush Xhaferrit, ish-bosit të firmave piramidale në vitin famëkeq të 1997, janë arrestuar ditën e sotme nga policia e Tiranës. Në prangat e policisë kanë rënë Përparim dhe Pëllumb Xhaferri, të akuzuar për “vjedhje me anë të mashtrimit” dhe “krijim të firmave piramidale”.
Për këto akuza dy djemtë e ish-bosit të firmave piramidale janë dënuar me 9 dhe 10 vite burg dhe ishin në kërkim prej disa vitesh.
Gjykata e Tiranës pushoi disa vite më parë gjyqin ndaj Rrapush Xhaferrit për shkak të vdekjes së tij.
Por nga ana tjetër tre djemtë e tij u dënuan në total me 28 vjet burg, ndërsa vetëm njëri prej tyre, Asllan Xhaferri kreu dënimin e tij.
Rrapush Xhaferri u shpall debitor pas vdekjes per shumen 1 miliardë e 227 milionë lekëve dhe ky detyrim qindra milionesh, ligjerisht duhet të kthehet nga trashëgimtarët e tij.
