Policia e Elbasanit ka arrestuar ditën e sotme dy persona të dyshuar se kanë vjedhur dyqanin e shtetasit me iniciale I. M në Cërrik.
Sipas policisë në pranga ka rënë Adem Balla, 70 vjeç dhe Ramazan Balla, 22 vjeç me banim në Cërrik. Të arrestuarit dyshohen se kanë hyrë në dyqanin e 50-vjeçarit dhe kanë marrë 15000 lekë dhe disa paketa cigaresh.
Gjatë kontrollit të ushtruar në banesën e dy të dyshuarve janë gjetur dy armë tip automatik model 56 me numër 4221905, një krehër, 1 pushkë model 56 me numër 186820 dhe 85 fishekë model 56.
Këto materiale janë sekuestruar në cilësinë e provës dhe i kanë kaluar prokurorisë së rrethit Gjyqësor në Elbasan për veprime të mëtejshme për veprën penale “Mbajtje pa leje e armëve luftarake dhe e municionit”, “Veprime që pengojnë zbulimin e së vërtetës” dhe “Vjedhja”.
