Policia ka arrestuar babë e bir pasi gjatë kontrollit të ushtruar u janë zbuluar dhe sekuestruar arsenal armësh. Në kuadër të finalizimit me sukses të operacionit të koduar “Rrapëz” janë vënë në pranga Edmond Velçani, 49 vjeç dhe Ledion Velçani, 19 vjeç, që të dy banues në fshatin Rrapëz, komuna Kolonjë të Lushnjës.
Sipas policisë, gjatë kontrollit të ushtruar në banesë janë gjetur dy pushkë 20, dy krehra me 20 fishekë, një krehër me 30 fishekë, 5 kallëpe tritol 200 gramë, 1 kallëp tritoli 400 gramë, 39 kapsolla detonatore, fishekë model 54 gjithsej 29 copë, fishekë model 56 gjithsej 46 copë, fitil zjarrpërcjellës 40 m.
Materialet i kaluna Prokurorisë për veprën penale “armëmbajtje dhe municione luftarake pa leje”.
