Tre të rinj shqiptarë janë arrestuar nga policia italiane në Borgotaro. Karabinierët arrestuan shtetasit shqiptarë me iniciale Z.S 26 vjeç, F.F, 22 vjeç dhe S.Ç 25 vjeç.
Ata akuzohen për një sërë vjedhjesh të kryera në maj të vitit 2015 në zonën Bardi. Ata kishin grabitur edhe një automjet tip BMW. Përveç makinës, 3 shqiptarët kishin marrë 5 mijë euro në një lokal të madh. Po atë natë, ata grabitën edhe një shtëpi si dhe makineri bujqësore.
Policia u vu në ndjekje të tyre atë natë nga Varsi deri në Varano de Melegari, por të rinjtë e braktisën makinën, duke i shpëtuar policisë. Përveç sendeve të vjedhura, në makinën e vjedhur nga shqiptarët u gjenden edhe armë e municione.
Kamerat e sigurisë kanë filmuar shtetasin me iniciale Z.S, i cili kishte veshur atë natë një xhup ku shkruhej fjala “Frank” në pjesën e gjoksit. Më tej, u identifikuan edhe dy shokët e tij. Ata u dërguan të gjithë në burgun e Firences.
ma.me
