Policia italiane goditi një organizatë kriminale që merrej me trafikun e drogës e prostitutave, në përbërje të të cilit kishte edhe shqiptare.
Në pranga ranë 27 persona, por sipas mediave italiane nën hetim si anëtarë të kësaj organizate janë 40 persona. Mes tyre 16 janë shqiptare, shumica italiane, por në përbërje ka edhe shtetas afrikanë. Veç trafikut të drogës dhe shfrytëzimit të prostitucionit, grupi merrej edhe me rrëmbime, vrasje me pagesë e shitje armësh.
Organizata vepronte kryesisht në Milano por aktivitetin e kishin shtrirë edhe në Bergamo, Mantova, Asti e Mesina, raporton ABC. Gjatë operacioneve për arrestimin e disa prej anëtarëve të organizatës, policia italiane sekuestroi në banesat e tyre 140 mijë euro në total. Hetimet për këtë organizatë nisën në vitin 2015 ga prokuroria e Moncës, pasi pjesëtarët e organizatës kishin therrur me thikë një person në një lokal të këtij qyteti. Identitetet e të arrestuarve nuk janë bërë publike.
c.a
