Kreu i PD Lulzim Basha pati një takim me eurodeputetin Fleckenstein dhe në një dalje për mediat një kohë të fjalës së tij e ka rezervuar për Emiliano Shullazin, duke thënë se arrestimi i tij mund të shërbejë si hapi i parë i reformës në drejtësi. Basha e sheh këtë emër të lidhur ngushtë me qeverinë, Kryeministrin Rama dhe Ministrin Tahiri, dhe shprehet se arrestimi i Shullazit mund të shërbejë si një test për reformën
“Arrestimi i tij mund të jetë një pikë kthimi. Shpresoj që të jetë një pikë e fuqishme kthese në këtë drejtim, ku lidhjet politike të Shullazit që shkojnë drejtpërdrejtë tek Tahiri dhe shefi i tij. Çështja të shërbejë si një test i monitoruar nga SHBA dhe BE. Të shërbejë si hapi i parë për reformën në drejtësi. Kjo ka rëndësi, sepse paketa ligjore është një copë letër nëse nuk dënohen kriminelët me damkë, si Emiljano Shullazi”, tha ai.
Gazetarët e pyetën Bashën nëse ai ishte besimplotë që reforma do të kalojë në verën e këtij viti. Kryedemokrati u përgjigj duke thënë se smund të përgjigjet për diçka që është në dorën e tyre, por që “ne do bëjmë pjesën tonë”
