Kryeinspektori i IMT së Himarës, Dorian Hoxha është lënë i lirë nga Gjykata e Vlorës, e cila në seancën e zhvilluar këtë të dielë e ka cilësuar të paligjshëm arrestimin e tij.
Mësohet se pas shqyrtimit të çështjes, gjykata vendosi lirimin e tij të menjëhershëm, duke vlerësuar se arrestimi nuk ishte kryer në përputhje me ligjin.
Hoxha, me detyrë kryeinspektor i IMT-së në Himarë, ishte arrestuar disa ditë më parë në orët e para të mëngjesit në zonën e Palasës, nën akuzën për “shpërdorim detyre”.
