Lorenc Hoxha është një djalë 27 vjeçar që ka dy fatkeqësi: është i sëmurë me tumor dhe pritet të përzihet nga Britania si emigrant i paligjshëm. I paditur nga stafi i spitalit në polici, ai rrezikon të bjerë viktimë e procedurave të përzënies. Por të riut Hoxha i ka ardhur një ndihmë e papritur. Prezantuesi i njour i BBC Si King është ofruar për të paguar për operacionin e tij. “Frika ime është se nëse vonohet operacioni Lorenci mund të vdesë. Ai është 27 vjeç, vetëm dy vjet më i madh se djali im. Nuk ka rëndësi nëse është emigrant i paligjshëm. Në një shoqëri të civilizuar nuk mund ta lëmë një tjetër qenie njerëzore që të vdesë”, ka thënë ai.
