Avokati Idajet Beqiri thotë se Olsi Dado nuk duhet të jetë prokuror i çështjes, lidhur me kryebashkiakun e Tiranës, Idajet Beqiri.
Në një intervistë për “Ora e Fundit”, Beqiri u shpreh se ka konflikt interesi, pasi Dado ka marrë leje ndërtimi në Bashkinë e Tiranës.
Sipas Beqirit, prokurori Olsi Dado dhe gjyqtari Elton Bani janë bërë palë me politikën, teksa shtoi se denoncuesi me emrin Nesti Angoni, është kryedemokrati Sali Berisha.
“Ai perceptimi popollor që ishte për SPAK dhe GJKKO, ishte në lartësinë 90 përqind, ka arrtur në 45 përqind. Rënie drastike, nuk është gjë e mirë për Shqipërinë dhe shqiptarët. Ka defekte të personave, jo të strukturës. Në situata të tilla, orientimi duhet të jetë i plotë dhe largpamës. SPAK nuk duhet të bëhet palë e politikës dhe dorë e zgjatur e krimit të organizuar. Ols Dado dhe gjyqtari përkatës u bënë palë me politikën. Këta duhet të mbajnë përgjegjësi. Olsi Dado thotë për Erion Veliajn, i dënuar. Që këtu fillon krimi. Ai ka fituar një leje ndërtimi. Ti, sa të erdhi kjo çështje, të shkoje te drejtuesi i SPAK dhe t’i thoje, nuk duhet të jem unë në këtë çështje, jam në konflikt interesi. Nuk marr në mbrojtje Erion Veliajn. Ky është arrestim i porositur, i mirëmenduar, nga Sali Berisha dhe Belind Këlliçi. Kanë korruptuar gjyqtarin dhe prokurorin”, theksoi ai.
