Partia Socialiste e Vorës ka reaguar pas lajmit se u arrestua një koordinator i kësaj force në këtë zonë. PS përgënjeshtron lajmin duke e cilësuar të rremë. Sipas PS personi i arrestuar nuk është anëtar i saj. Ndërkohë kandidati i PS në Vorë Sadi Vorpsi deklaron se lajmi i rremë u përhap nga LSI.
“Çuditërisht, mediat nuk u njoftuan nga Policia për rastin në fjalë, por nga telefonatat dhe SMS-të e Zyrës së Shtypit pranë LSI-së”, deklaroi Vorpsi.
Reagim i PS VORE
I bejme thirrje mediave te mos deformojne informacionin e mos te keqperdorin publikun.
REAGIM i kandidatit Sadi Vorpsi ne FB:
NJË REAGIM I DETYRUAR
Pritja madhështore që Vora i bëri të dielën kryeministrit Edi Rama dhe puna e palodhur e Partisë Socialiste duket se ka ngjallur jo vetëm xhelozi tek ata që vetë u listuan si kundërshtarë. Të dashur miq, mbrëmjen e sotme një shtetas është arrestuar në qytetin e Vorës.
Çuditërisht, mediat nuk u njoftuan nga Policia për rastin në fjalë, por nga telefonatat dhe SMS-të e Zyrës së Shtypit pranë LSI-së. Kjo e fundit jo vetëm që njoftoi arrestimin e A.Ç, por gënjen edhe natën (mqns dita nuk i tepron) duke e cilësuar të prangosurin si Koordinator të PS-së. Unë i kuptoj mediat e blera, apo viktima të dizinformimit, por kurrësesi LSI-në. Së pari, i prangosuri nuk është dhe nuk ka qenë ndonjëherë, jo koordinator i PS, por as anëtar organizate.
Madje në Vorë nuk e njeh askush, që do të thotë se mund të mos jetë as banor aty. Së dyti, më në fund Policia që anatemon LSI-ja nga mëngjesi në darkë si të lidhur me krimin dhe që po dëmton zgjedhjet, si ka mundësi që paska arrestuar një koordinator të PS?
Turp për ata që pështyjnë atje ku po vazhdojnë të hanë, në rang ministrash, drejtorësh etj.
Vota e 25 Qershorit do t’i japë fund jo vetëm tepsisë ku vunë dhjamë partiçkat, por edhe intrigave të stisura në zyrat e Tiranës.
